Հայտարարություններ

Հարցում

Ինչպե՞ս եք գնահատում հասարակական կազմակերպությունների դերը համայնքային զարգացման գործում:
 
Մեծ Այրումի դպրոցի գրադարանում կգործի տեղեկատվական կետ PDF Տպել Էլ.փոստ

Այսօր՝  հուլիսի 31-ին Մեծ Այրում համայնքի դպրոցում տեղի ունեցավ քննարկում, որին մասնակցում էին՝  դպրոցի աշակերտական խորհուրդը, համայնքի սոցիալական աշխատող՝  Տարոն Գրիգորյանը, դպրոցի տնօրեն՝  Սոֆիա Այվազյանը և «Համայնքային համախմբման և աջակցության կենտրոն» ՀԿ-ի տնօրեն՝  Օլեգ Դուլգարյանը, քննարկման ժամանակ քննարկվեց Մեծ Այրում համայնքի դպրոցի գրադարանում տեղեկատվական կետի ստեղծման ծրագիրը:

Դեռևս 2013թ. դեկտեմբերին Մեծ Այրում համայնքի դպրոցում «Քաղաքացիական ձայն և գործողություն»  իրականացված խմբային քննարկումների ժամանակ, աշակերտները բարձրաձայնեցին գրադարանում տեղեկատվական կետի ստեղծման խնդիրը: Այնույետև աշակերտները  այս հարցի համար ակտիվ խմբի հետ փորձել են իրականացնել ֆոնդհայթայթման աշխատանքներ տեղեկատվական կետի ծրագիր ստեղծելու համար:

Ընթերցել...
 
Նորություններ PDF Տպել Էլ.փոստ

 

Պարույր Սևակին նվիրված երեկո՝ Մեծ Այրում համայնքում

 

Մեծ Այրում համայնքի մշակույթի կենտրոնում վերջին շրջանում հաճախ կազմակերպվում են բազմազան միջոցառումներ, գրական երեկոներ: 2014 թվականի հուլիսի 22-ին «Համայնքային համախմբման և աջակցության կենտրոն» ՀԿ-ի կողմից իրականացվող «Արարման Հարթակ» ծրագրի շրջանակներում, Մեծ Այրում համայնքի մշակույթի կենտրոնում տեղի ունեցավ գրական երեկո նվիրված մեծանուն բանաստեղծ՝ Պարույր Սևակին, միջոցառումը ավելի հետաքրքիր ընթացք ունենալու համար, պատրաստված սլայդի միջոցով ցուցադրվեցին Սևակի լուսանկարները և տողեր սիրված բանաստեղծություններից: Միջոցառումը բաղկացած էր երկու մասից՝ արտասանություն և քննարկում, որին մասնակցում էին երիտասարդներ և դպրոցի աշակերտներ: Միջոցառումը անցավ ջերմ մթնոլորտում, դա էր վկայում համայնքի բնակիչների ակտիվ մասնակցությունը և ջերմ ծափողջույնները: «Համայնքային համախմբման և աջակցության կենտրոն» ՀԿ- ն, Մեծ Այրում համայնքի սոցիալական աշխատող՝ Տարոն Գրիգորյանը և «Արարման Հարթակ» ծրագրի ղեկավար՝ Գարիկ Մկրտչյանը հավաստիացրեցին, որ նման միջոցառումներ կլինեն հաճախ և կկրեն շարունակակն բնույթ: «Արարման Հարթակ»  ծրագիրը իրականացվում է «Հավասար հնարավորություններ ազգային փոքրամասնությունների և խոցելի խմբերի մշակութային իրավունքների իրագործման համար, հարստություն բազմազանության միջոցով»  ծրագրի շրջանակներում,որն իրականացվում է ԳՈՒՐՏԻ կողմից՝  ԵՄ աջակցությամբ:

 

Մեծ Այրումի պարի խմբակի սաների առաջին ելույթը կայացավ Ալավերդիում

 

2014թ. հուլիսի 17-ին  Ալավերդի քաղաքում կայացավ  « Eco-Art»  համայնքային արվեստի միջոցառումը,  որը կազմակերպել էր  «Համայնքային համախմբման և աջակցության կենտրոն» ՀԿ-ն:

Միջոցառման ընթացքը ողողված էր Վանաձորի ռոք և այլ խմբերի կատարումներով, ինչպես նաև հրաշալի ելույթ ունեցան Մեծ Այրումի պարի խմբակի սաները, որոնց գեղեցիկ կատարումները հիացրեցին հանդիսատեսին, դա պարի խմբակի սաների առաջին ելույթն էր բեմահարթակից, ըստ  Մեծ Այրումի պարի և նկարչական խմբակների գործունեությունը ֆինանսավորող «Համայնքային համախմբման և աջակցության կենտրոն» ՀԿ-ի տնօրեն  Օլեգ Դուլգարյանի, խմբակները  գործում են  2014թ. մայիս ամսից և այդ ժամանակահատվածում խմբակների  սաները բավականին հաջողությունների են հասել, Օլեգ Դուլգարյանը նաև հավելեց,  որ առաջիկայում Այրումի պարի և նկարչական խմբակների սաները կներգրավվեն նաև այլ միջոցառումնե րին:

Մեծ Այրումի պարի և նկարչական խմբակները գործում են, «Համայնքային համախմբման և աջակցության կենտրոն»ՀԿ-ի կողմից իրականացվող «Արարման Հարթակ» ծրագրի շրջանակներում:

«Արարման Հարթակ»  ծրագիրը իրականացվում է «Հավասար հնարավորություններ ազգային փոքրամասնությունների և խոցելի խմբերի մշակութային իրավունքների իրագործման  համար, հարստություն բազմազանության միջոցով»  ծրագրի շրջանակներում,որն իրականացվում է ԳՈՒՐՏԻ  կողմից՝  ԵՄ աջակցությամբ:

 

Տեղի ունեցավ «Eco Art» համայնքային արվեստի միջոցառում

 

2014թ. հուլիսի 17-ին Ալավերդի քաղաքի Սայաթ-Նովա հրապարակին կից այգում կայացավ «Eco -Art» միջոցառումը, որի նպատակն էր արվեստի լեզվով վերհանել Էկոլոգիական խնդիրներն և դրանք ներկայացնել Ալավերդի քաղաքի բնակիչներին: Այս միջոցառումը մի նոր ստեղծագործական մոտեցում էր կրկին հանրության ուշադրությունը սևեռել Ալավերդու տարածաշրջանում  առկա էկոլոգիական խնդիրների վրա:

Միջոցառմանը մասնակցում էին թե՛ երեխաներ,թե՛ մեծահասակներ, որոնք ծանոթանալով « Land Art»  արվեստի ճյուղին, առանձին կտավների վրա հնարավորություն ունեցան պատկերել իրենց երազած էկոլոգիապես մաքուր Ալավերդին, որտեղ ներկայացրեցին մարդու և բնության կապի դրական և բացասական կողմերը, մասնակից շնորհալի երեխաներ մասնակցեցին անպետք իրերի վերամշակման արհեստանոցների աշխատանքներին և ստեղծեցին հրաշալի աշխատանքներ՝ թևնեցներ, օդապարուկներ, խաղալիքներ: Միջոցառման  ընթացքը  ողողված էր Վանաձորի հայտնի ռոք խմբերի և այլ մենակատարների  գեղեցիկ կատարումներով,  պարային կատարումներով հանդես եկան նաև Մեծ Այրում համայնքի նորաստեղծ պարի խմբակի սաները, ինչը հետաքրքիր ռիթմ և երանգ հաղորդեց միջոցառմանը:

«Eco -Art»-ը  ևս մեկ միջոց էր ներգրավելու համայքնի բնակիչներին նմանատիպ միջոցառումների  մեջ և ծանոթանալ նրանց  պատկերացումներին  մեր քաղաքի և տարածաշրջանի  առողջ էկոլոգիայի  վերաբերյալ,որը միգուցե հնարավոր կլինի կյանքի կոչել առկա էկոլոգիական խնդիրների հաղթահարումը՝ արդեն տեղական ինքնակառավարման մարմինների, տեղական ՀԿ-րի,  երիտասարդների և այլ շահագրգիռ կողմերի  անմիջական համագործակցության և աջակցության միջոցով:

«Eco -Art»  համայնքային արվեստի  միջոցառումը կազմակերպվել էր  Ալավերդու  «Համայնքային համախմբման և աջակցության կենտրոն»  ՀԿ-ի և  Վանաձորի՝  «Խաղաղության երխոսություն»   ՀԿ-ի  աջակցությամբ  CAUCULT Կովկասյան մշակութային նախաձեռնությունների ցանց ծրագրի շրջանակներում:

 

Շաբաթօրյակ Սայաթ-Նովա հրապարակին կից այգում

 

Այսօր, հուլիսի 16-ին, Սայաթ-Նովա հրապարակի կից այգում տեղի ունեցավ շաբաթօրյակ , որին մասնակցեցին «Համայնքային համախմբման և աջակցության կենտրոն» ՀԿ-ի աշխատակիցներ, , Ալավերդու Էկո ակումբի անդամներ , երիտասարդ ակտիվիստներ , ինչպես նաև Ալավերդու քաղաքապետարանի ներկայացուցիչներ :

Մաքրվեց տարածքը և այնտեղ վաղը առավոտվանից կմեկնարկեն նախապատրաստական աշխատանքներ, ուղղված վաղը հուլիսի 17-ին, ժամը 13:00-ին կայանալիք «Էկո-Արտ» միջոցառման կազմակերպմանը: Տարածքի նախապատրաստմանը մասնակցել ցանկացողներին հրավիրում ենք միանալ մեզ առավոտյան ժամը 9-30-ից:

 

 

Լենդ-Արտ Սեդվիում


2014 թվականի հուլիսի 12 –ին  «Համայնքային համախմբնան և աջակցության կենտրոն» ՀԿ-ն, Ալավերդու Էկո  ակումբը և մի խումբ Ալավերդցի ակտիվ երիտասարդներ կազմակերպեցին «Լենդ-Արտ» արշավ դեպի Սեդվի  տեղանքի հարակից անտառներ :

Արշավի նպատակն էր մարդու, բնության և արվեստի միաձուլումը և նույնականացումը , որի ժամանակ  մասնակիցները փորձեցին ստեղծել արվեստի գործեր , յուրաքանչյուր աշխատանքում արտացոլվեցին կյանքի և  անսահմանության խորհուրդը և սերը բնության հանդեպ: Աշխատանքներն ու մտահաղացումները  լուսանկարվեցին և կցուցադրվեն առաջիկա կայանալիք «Էկո Արտ» միջոցառմանը ,որը տեղի կունենա հուլիսի 17-  ին,ժամը 13:00 Ալավերդի քաղաքի Սայաթ-Նովա հրապարակին կից այգում: Արշավը մեկնարկեց «Համայնքային  համախմբնան և աջակցության կենտրոն» ՀԿ-ի գրասենյակից , հուլիսի 12-ին , ժամը 10:00-ին:

 

 

Բնակավայրերի կանաչապատ տարածքների մոնիթորինգ

 

 

 

2014թ.հուլիսի 2-ին «Համայնքային համախմբման և աջակցության կենտրոն»ՀԿ գրասենյակում տեղի ունեցավ «Բնակավայրերի ընդհանուր օգտագործման կանաչապատ տարածքների կառավարման գործընթացների հանրային մոնիթորինգի մեթոդները» թեմայով դասընթաց,որը կազմակերպվել էր Ալավերդու Օրհուս կենտրոնի կողմից «Երրորդ բնություն»ՀԿ-ի և Գյումրիի Օրհուս կենտրոնի աջակցությամբ:

Դասընթացին մասնակցեցին համայնքի երիտասարդներ,ակտիվիստներ,ինչպես նաև ՏԻՄ ներկայացուցիչներ: Դասընթացի նպատակն էր մասնակիցներին ծանոթացնել կանաչապատ տարածքների կառավարման գործընթացների մոնիտորինգի իրականացման մեխանիզմներին:

 

Դասընթացը կկրի շարունակական բնույթ,տարբեր մարզերում և համայնքներում:

 

 

 

Ֆիլմի դիտում Մեծ Այրում համայնքում


2014թ. հունիսի 27-ին  «Համայնքային համախմբման և աջակցության կենտրոն» ՀԿ-ի կողմից Մեծ Այրում համայնքում հիմնադրված և կահավորված մշակութային կենտրոնում տեղի ունեցավ ֆիլմի դիտում «Համայնքային համախմբման և աջակցության կենտրոն»ՀԿ-ի կողմինց իրականացվող «Արարման Հարթակ» ծրագրի շրջանակներում,որը ֆինանսավորվում է Գուրտի կողմից՝ ԵՄ աջակցությամբ:

Ֆիլմի դիտմանը մասնակցում էին մոտ 30 աշակերտ և երիտասարդ,ցուցադրվեց «Գիքոր» ֆիլմը, որի ավարտից հետո ընթացան քննարկումներ մշակութային թեմաներով,այնուհետև երիտասարդները բարձրացրին մի շարք մշակութային ոլորտին վերաբերող խնդիրներ և կրեատիվ առաջարկություններ արեցին, ուղղված մշակութային խնդիրների լուծմանը և մշակութային կյանքի աշխուժացմանը ՝ Մեծ Այրում համայնքում:

Նման և այլ տիպի միջոցառումների անցկացումը Մեծ Այրում համայնքում կկրեն շարունակական բնույթ:

 

«Lori Art»
Համայնքային Արվեստի Միջոցառում

 

 

 

 

 

Հունիսի 24-ին, ժամը 15-ին ,Վանաձորի Սայաթ -Նովայի անվան զբոսայգում տեղի ունեցավ «Lori Art» , որը նպատակ է հետապնդում արվեստի լեզվով` այն է նկարչության, վերհանել համայնքային մի շարք խնդիրներ և ներկայացնել դրանք Վանաձոր քաղաքի բնակիչներին` փորձելով մի նոր և ստեղծագործական մոտեցմամբ կրկին հանրության ուշադրությունը սևեռել մարզում, Վանաձոր համայնքում առկա կարևոր խնդիրների վրա:
Միջոցառման ընթացքում “Լոռու արվեստի զարգացման կենտրոնի” սաները և արդեն իսկ հայտնի նկարիչները ըստ ընտրված թեմատիկաների սկսեցին աշխատել` յուրաքանչյուրը իր մոտեցմամբ կտավին հանձնելով իր մտքերն ու հույզերը:
Միջոցառման մասնակիցները առանձին կտավների վրա հնարավորություն ունեցան պատկերել իրենց երազած Վանաձորը` ինչը ևս մեկ միջոց է ներգրավելու համայքնի բնակիչներին նմանատիպ միջոցառումների մեջ և նրանց պատկերացումները մեր քաղաքի վերաբերյալ մի գուցե հնարավոր կլինի կյանքի կոչել արդեն տեղական ինքնակառավարման մարմինների անմիջական միջամտությամբ և աջակցությամբ:
Միջոցառման ընթացքը ողողված եղավ Վանաձորի հայտնի ռոք խմբերի գեղեցիկ կատարումներով, ինչը հետաքրքիր ռիթմ և երանգ հաղորդեց միջոցառմանը:

Ընթերցել...
 
Մեր մասին PDF Տպել Էլ.փոստ

«Համայնքային համախմբման և աջակցության կենտրոն» ՀԿ-ն Հայաստանի Հանրապետությունում գործող համայնքային հասարակական կազմակերպություն է, որը հիմնադրվել է 2009 թթ ին Լոռու մարզի Թումանյանի տարածաշրջանի տարբեր համայնքներ ներկայացնող ոչ ֆորմալ քաղաքացիական խմբերի կողմից:

Մեր առաքելությունը`

ՀԱՄԱԽՄԲՈՒՄ ԵՎ ԶԱՐԳԱՑՈՒՄ ` ՀԱՆՈՒՆ ՔԱՂԱՔԱՑԻԱԿԱՆ ՀԱՍԱՐԱԿՈՒԹՅԱՆ

«Համայնքային համախմբման և աջակցության կենտրոն» ՀԿ-ի գործունեության առարկան է` Հայաստանի Հանրապետությունում աջակցել համայնքի ներգրավմանը , համայնքային խնդիրների հանդեպ համայնքի անդամների սեփականության գիտակցման խորացմանը, մասնակից դարձնել նրանց համայնքային զարգացման ծրագրերին, դրանց իրականացմանն ու մոնիտորինգին, համայնքի խնդիրների իրազեկության բարձրացման, կարողությունների զարգացման ու համայնքի համախմբման միջոցով:

Ընթերցել...
 
Գործունեություն PDF Տպել Էլ.փոստ

2011 թվականի դեկտեմբերին 10 համայնքներում վեր հանված 344 տարբեր բարդության խնդիրներից 2012 թվականի սեպտեմբերի 1-ի դրությամբ ՀՀԱԿ-ի կողմից 83 խնդիրներ, կամ ընդհանուրի 24.12 %-ը ստացել են իրենց լուծումները շահերի պաշտպանության , համայնքային ծրագրերի մշակման և տարբեր ֆոնդերի ներգրավման արդյունքում:

2011 թ. հունվարին ՀՀԱԿ-ը Վորլդ Վիժըն միջազգային բարեգործական կազմակերպության կողմից շահեց իր հերթական դրամաշնորհը՝

Ընթերցել...
 
Այլ հոդվածներ...
<< Սկիզբ < Նախորդ 61 62 Հաջորդ > Վերջ >>

JPAGE_CURRENT_OF_TOTAL