ՀայEng

Նորություններ

Այլ հոդվածներ...

«Երիտասարդության ձայնը հանուն զարգացման և փոփոխությունների» հայ–վրացական միջսահմանային ծրագրի շրջանակներում հերթական հանդիպումը

«Երիտասարդության ձայնը հանուն զարգացման և փոփոխությունների» հայ–վրացական միջսահմանային ծրագրի շրջանակներում հերթական հանդիպումը տեղի ունեցավ «Համայնքային Համախմբման և Աջակցության կենտրոն» ՀԿ-ի Ալավերդու գրասենյակում: Հանդիպմանը մասնակցեցին ծրագրում ընդգրկված հայաստանյան կողմի ուսանողները: Քննարկվեց դպրոցներում նախատեսվող հանդիպումների գործողությունների պլանը: Մոտակա մեկ շաբաթում ուսանողները պատրաստվում են երկրորդ հանդիպումն անցկացնել դպրոցներում՝ վերլուծության ենթարկելու համար ծրագրի իրենց գաղափարները:

Ընթերցել...

Դասընթաց` «Սոցիալական մեդիայի գործիքները»

Նոր մեդիայի կայացման գործում ամենամեծ նշանակությունն ունեն ինտերնետն ու ինտերնետային տեխնոլոգիաների հիման վրա ստեղծվող բազմաթիվ գործիքները: Հենց այդ գործիքներն էլ մայիսի 11-ին Ալավերդու ակտիվ երիտասարդներին ներկայացրեց Ստեփանավանի երիտասարդական կենտրոնի ներկայացուցիչ, լրագրող Մանե Պապյանը՝ «Սոցիալական մեդիայի գործիքները» թեմայով դասընթացի շրջանակներում: Դասընթացը տեղի ունեցավ «Համայնքային համախմբման և աջակցության կենտրոն» (CCMS) ՀԿ-ի Ալավերդու գրասենյակում: Դասընթացի շրջանակներում մասնակիցները տեղեկացան նորարարական մեդիայի գործիքներին, որնցից մի քանիսը մասնակիցների համար անծանոթ էին:

Ընթերցել...

«Երիտասարդության ձայնը հանուն զարգացման և փոփոխությունների» հայ–վրացական միջսահմանային ծրագրի ամբողջ կազմը հանդիպեց Հաղպատում

2016թ.-ի մայիսի 8-ին Հաղպատում հանդիպեցին «Երիտասարդության ձայնը հանուն զարգացման և փոփոխությունների» հայ–վրացական միջսահմանային ծրագրի մասնակից հայ եւ վրացի ուսանողները, երկու կողմի դպրոցների տնօրենններն ու ուսուցիչները, ինչպես նաեւ ծրագրի ղեկավարները: Ծրագրի շրջանակներում առաջին անգամն էր, երբ ծրագրի մասնակիցները հանդիպում էին ամբողջ կազմով: Նախ մասնակիցներին ներկայացվեց ծրագրի նպատակը. յուրաքանչյուր երկիրը ներկայացուցիչ դպրոց պետք է ընտրեր իր հետ համագործակցող դպրոց եւ համատեղ մշակեր ծրագրի շրջանակներում իրենց դպրոցներում իրականացվող գործողությունների հստակ պլան եւ նպատակ:

Մասնակիցները ծանոթացան միմյանց հետ, նրանցից յուրաքանչյուրը ներկայացրեց, թե ինչ փուլում են գտնվում աշխատանքները, եւ մինչ այս պահն ով ինչ աշխատանք է կատարել «Երիտասարդության ձայնը հանուն զարգացման և փոփոխությունների» հայ–վրացական միջսահմանային ծրագրի շրջանակներում:

Երկօրյա դասընթացի առաջին օրվա ավարտին ծրագրի ղեկավարները գնահատեցին առաջարկված գաղափարներն ու տեսակետները եւ հստակություն մտցրեցին գործողությունների պլանի մեջ:

Ընթերցել...

Սուրճ՝ շնչող գրքի հետ

Մայիսի 3-ին  «Համայնքային համախմբման եւ աջակցության կենտրոն» ՀԿ-ում (CCMS) անցկացվեց «Մարդկային գրադարան» (human library)

նախաձեռնությունը, որը կազմակերպել էր «Կանանց ռեսուրսային կենտրոն» ՀԿ-ը: «Մարդկային գրադարան» նախաձեռնությունը նպատակ ունի առերես զրույցների և անձնական պատմությունների միջոցով նվազեցնելուխտրականությունը և փոխելու հասարակության տարբեր խմբերի հանդեպ առկա կարծրատիպերը:

Ընթերցել...

ԴԱՍԸՆԹԱՑ ՀԱԽ-ԵՐԻ ԱՆԴԱՄԵՆՐԻ ՀԱՄԱՐ

Մայիսի 3-ին CCMS Ալավերդու գրասենյակում տեղի ունեցավ դասընթաց Հաղպատ եւ Քարինջ համայնքների համայնքային ակտիվ խմբերի (ՀԱԽ) հետ: ՀԱԽ-երի անդամները ծանոթացան բարեփոխումների պլանին եւ ամենամյա մշտադիտարկման մեխանիզմներին: 2016թ. փետրվար-մարտ ամիսներին նշված երկու համայնքներում իրականացվել է մատուցվող ծառայությունների որակի մշտադիտարկում՝ երեխաների պաշտպանության ոլորտում, ինչից հետո ձեւավորվել է համայնքային բարեփոխումների պլան, որտեղ ներառված են երեխաների պաշտպանության ոլորտում մի շարք միջոցառումներ ու գործողություններ: Դասընթացի ընթացքում շահագրգիռ կողմերի հետ ձեռք բերվեցին պայմանավորվածություններ նշված գործողությունների իրականացման համար: Բարեփոխումների պլանի իրականացման մշտադիտարկումը կիրականացնեն Քարինջ եւ Հաղպատ համայնքների ՀԱԽ-երի անդամները:

Ընթերցել...

որոնում