Այսօր՝ մայիսի 7-ին, ՀՀ Լոռու մարզի Ախթալա խոշորացված համայնքի Փոքր Այրում գյուղում, «Գրին Քեմփ» էկո-գյուղական եւ քաղաքացիական հասարակության տուրիզմի կենտրոնում (Green Camp /Social Enterprise/) իրականացավ հանդիպում տեղի երիտասարդների հետ՝ մշակելու երիտասարդական քաղաքացիական արշավի նախագիծ։
Նախաձեռնության նպատակն է բարձրացնել համայնքի երիտասարդների սոցիալականացման եւ զարգացման մակարդակը, ինչպես նաեւ միտված է ներուժի զարգացման քաղաքականություն ներդրմանը եւ կիրառմանը։
Նախաձեռնության ընթացքում կիրականացվի լայն իրազեկում, դուրս կբերվեն համայնքի առաջնային խնդիրները, և համապատասխան առաջարկություններ կներկայացվեն տեղական ինքնակառավարման մարմիններին և կառավարությանը։
Արշավի նախաձեռնողներն են երիտասարդները՝ չեխական «Նեսեհնութի» եւ հայաստանյան «Համայնքային համախմբման եւ աջակցության կենտրոն» ՀԿ-ների հովանավորությամբ՝ «Ճանապարհ դեպի քաղաքացիական հասարակության ներգրավվածություն» ծրագրի շրջանակներում՝ Չեխիայի Արտաքին գործերի նախարարության ֆինանսական օժանդակությամբ։